AITOR ARANA

Pasa den astelehenean (urriak 22) Aitor Arana idazlea etorri zitzaigun institutora hitzaldi bat emateko asmoz. Guk interes handiz hartu genuen, berak idatzitako liburu ospetsu bat irakurri berri genuen eta: Urtegi Misteriotsua.

Aitor Aranak orain 49 urte ditu, beraz, 1963an jaiotakoa da, Legazpin, berak esan zigunetik. Beti oso imaginazioduna izan dela kontatu zigun, eta horregatik bere koadrillako “buruzagia” zela. 17-20 urterekin hasi zen idazten, euskal literatura gutxi zegoela iruditzen bait zitzaion. Bere amari disgusto ederra eman ziola aitortu zuen, baina honek ez zuen kezkatzeko arrazoirik izan, ehun istorio inguru idatzi bait ditu, eta haietatik 9 edo 10 baino ez ditu utzi kaleratu gabe. Gai desberdinak ikutu ditu idazleak; berak, fantasia, zientzia fikzioa edo literatura erotikoa aipatu zituen.

Bizitzan zehar markatu zuten idazle desberdinen izenak eman zizkigun; bizitza hasieran Virginia Andrews, beranduxeago, Virginia Woolf eta gaur Oscar Wildekin pozik dagoela komentatu zuen.

Orain, lau liburuko bilduma bat egiten dagoela esan zigun, A Elkartea izenekoa, baita gure bi kide zoriontsuri ale bana oparitu ere. Gainera itzulketa lanetan dabil, Oscar Wilden liburuak ingelesetik euskeraz aurkezteko. Ingelesa, erdera eta euskeraz gain Aitorrek beste bi hizkuntza ez oso ezagun zekizkiela esan zigun, hauek kalo eta esperanto (hizkuntza unibertsala izatekoa) dira.

Berataz hitz egiteaz gain, idazleak bere lanbideari buruz informazio gehiago eman zigun, bera baita euskeraz idaztetik bizi den idazle gutxietakoa. Idazleek idaztetik gain itzuli ere egiten zutela gogoratu zigun, diru gehiago irabazten delako. Gainera, hitzaldiak emanez rabazi zezakeen ( eta, ikusten dugunez, egiten du). Diru hura beharrezkoa du, kontatu baitzigun, idazleak liburuen salmenten irabazpenetatik %10 baino ez duela irabazten.

Horrez gain, berak gauez idazten duela komentatu zigun, lasaiagoa egiten baitzaio. Horrelako beste zenbait kuriositate kontatu zizkigun, erantzunei atxikiz, elkarrizketa animatuagoa egitekotan.

Azkenik, hasieran berak eskatu zigun bezala galdera ausartak egitagaitik zoriondu gintuen, gurekin ondo pasa zuela esan eta gure Urtegi Misteriotsuaren alea sinatu zigun. 

Hitzaldi interesgarria izan genuen, argi eta lasaia. 

                                                                                CECILIA 2B